Norgga Searvi mánáid palliatiivvalaš dikšumii.
(The Norwegian Association for Children’s Palliative Care: Jorgaluvvon eaŋgasgielas sámegillii)
Iŋgá Máijá Sárá
Sullii 6000 mánás Norggas lea oanehiseallin dahje ráddjejuvvon eallinvejolašvuođat – ja dát logut lassánit geažosáigge.
Norga Searvi mánáid palliatiivvalaš dikšumii lea Skandinavias njunušorganisašuvdna mii ovddida mánáid palliatiivvalaš dikšuma ja ságastallá čielgasit mánáid bealis geaid jáhkket eallit oanehiseallima. Ovttas earáiguin geat fuolahit divššu ja veahki dáidda mánáide ja sin oapmehaččaide, mii fuolalaččat veahkehit sin eallit nu duhtadahtti eallima go vejolaš, ja addit buot buoremus divššu sin eallima maŋimuš áigge. Mii eat sáhte rievdadit sin diagnosa, muhto mii sáhttit fuolahit mánáid ja sin oapmehaččaid buoremus láhkái eallit ovttas addojuvvon áigodagas gitta eallima lohppii.
Mii maiddái veahkehat ja doarjut sihke dearvvašvuođa ámmátolbmuid ja organisašuvnnaid miehtá Norgga. Min ulbmil lea sin bagadit kurssaid ja logadallamiid bokte mánáid palliatiivvalaš dikšuma birra. Dainna lágiin mii searválagaid doaibmat nana ja oktilis jienádagain. Mii čađahat maiddái lagašáiggis ruhtačoaggima válbmet Norgga vuosttaš mánáid orrunviesu.
Min miellahtut – ovttaskasolbmot, joavkkut ja organisašuvnnat – čájehit beroštumi ja háliidat oahppat mo veahkehit ja doarjut sihke mánáid geat ellet dákkár oanehiseallima ja sin oapmehaččaid.
Min bargu lea maiddái:
Oahpahus ja diehtojuohkin, mánáid palliatiivvalaš dikšuma ovddideapmi, váikkuhit mearrádusaid čovdojupmái, bealusteaddji doaibma, ruhtačoaggin, bagadus ja bálvalandoaimmat.
Mii leat bargagoahtán ráhkadit sámegielat veršuvnna min websiiddus. Don sáhtát čállit iežat e-poastačujuhusa deikke vuolábeallái ja mii dieđihat dutnje go dan veršuvnna leat gergehan.